Proxecto Auga

proxecto AUGA explora as potencialidades das actividades de conservación e recuperación dos ecosistemas no medio rural co fin de facer realidade o intercambio de talento xuvenil-sénior cara o impulso de novas iniciativas no eido da conservación e recuperación de ecosistemas.

A parella interxeracional deste proxecto compóñena Xesús e Manu.

Xesús ten 68 anos e leva toda a súa vida dedicada ao mundo do voluntariado ambiental, desenvolvendo centos de accións en toda a xeografía galega co fin de mellorar diferentes ecosistemas do noso rural.

Manuel ten 23 anos e acaba de rematar a carreira de bioloxía, atópase nun momento vital no que cómpre explorar as posibilidades laborais que lle ofrece a súa formación académica e pensa que emprender no rural é boa opción.

Durante os meses de maio a outubro de 2025, Xesús e Manu desenvolveron diferentes accións formativas, capacitadoras, colaborativas e de extensión voluntaria co obxectivo de impulsar unha idea de emprendemento concreta no medio rural no marco da conservación e recuperación de ecosistemas: a creación dun xogo de escape ambiental sobre a problemática da flora exótica invasora, para alumnado de educación primaria e secundaria.

Neste tempo 189 persoas puideron participar directamente no proxecto AUGA a través das súas actividades de extensión voluntaria e de presentación da iniciativa piloto; o custe total do proxecto foi de 5.146,18 € dos cales 4.624,27 € foron financiados pola Unión Europea a través dos fondos NextGenerationEU do Plan de recuperación, transformación e resiliencia.