Programa de Acción Ambiental

ende  Amabul entendemos que a capacitación ambiental non ten sentido se non está ligada a unha acción que redunde nun incremento da sustentabilidade ambiental do noso territorio.

A través do programa de acción ambiental AMABUL, pomos un marcha un aglomerado de proxectos, actividades e actuacións directas sobor a contorna que procuran a súa mellora e conservación. Trátase de propostas, normalmente ligadas a un proxecto de capacitación ambiental, coas que procuramos que as e os participantes formalicen competencias ambientais para toda a súa vida.

Na actualidade, a nosa asociación está a traballar principalmente en dúas liñas de acción ambiental; o control e erradicación da flora exótica invasora, a través do proxecto Erradicadescantia e como entidade adherida á Estratexia Transnacional contra Cortaderia Selloana; e a recuperación da memoria ambiental e de xénero dos lavadoiros, a través do proxecto Faladoiros. Amais, Amabul desenvolve puntualmente diferentes actuacións de mellora da contorna ullá, mediante actuacións específicas deseñadas ao efecto.