Voluntariado Interxeracional no medio rural
eCIRCULAR Vetas

programa de Voluntariado Interxeracional no medio rural eCIRCULAR Vetas contou cun apoio financeiro da Unión Europea de 18.000,00 € a través dos fondos NextGenerationEU do Plan de recuperación, transformación e resiliencia (ao abeiro da orde de axudas para proxectos de voluntariado interxeracional da Consellería de Cultura, Lingua e Xuventude da Xunta de Galicia) para un custe total de programa de 19.748,36 €

O programa de Voluntariado Interxeracional no medio rural eCIRCULAR Vetas entende a realidade de xeito circular:

• partindo dos coñecementos e experiencias das persoas maiores que retornan á comunidade a través das persoas mozas.
• pondo especial énfase nos ciclos de vida dos recursos, procurando devolver ao ambiente o que nos dá o medio rural.
• entendendo a circularidade da economía, maximizando os recursos materiais e humanos que nos ofrece o rural.

Os obxectivos cumpridos co programa foron:

Xerais:

• Púxose en valor o labor primordial das persoas voluntarias no desenvolvemento do medio rural e no intercambio de talento, experiencias vitais e coñecemento.
• Desenvolvéronse accións interxeracionais que redundaron nunha nova percepción do medio rural como espazo promotor de oportunidades de futuro e como contorno enriquecedor das condicións de vida.
• Impulsáronse iniciativas locais en materia de protección do ambiente e en materia turística e cultural.
• Recoñeceuse e púxose en valor a riqueza ambiental da contorna natural e rural do Ulla, coas súas fortalezas e debilidades.
• Inspirouse a renovación de actividades e oficios relacionados coa produtividade da zona.

Específicos:

• Impulsáronse novas iniciativas con posibilidades de proxección no mercado en transición cunha economía circular e sustentable.
• Deuse visibilidade ás zonas especialmente vulnerables á explotación mineira da serra do Pico Sacro, no marco da ZEC Sistema fluvial Ulla-Deza.
• Desenvolvéronse accións sensibilizadoras en materia de protección do medio ambiente ullán, relacionadas coa explotación do recurso rocha.
• Bosquexouse unha idea innovadora de emprendemento no marco da visualización da zona especialmente vulnerable, dende o punto de vista medioambiental, da serra do Pico Sacro.
• Fomentouse a recuperación do oficio tradicional da/o cesteira/o amosando as súas posibilidades de emprego e autoemprego.
• Desenvolvéronse accións formativas para público xeral en materia de cestería tradicional.
• Bosquexouse unha idea innovadora de emprendemento no marco do oficio tradicional de cesteira/o.
• Promoveuse o enriquecemento persoal das persoas voluntarias a través dunha participación vivencial no programa.
• Creáronse espazos de convivencia respectuosa e solidaria entre as persoas participantes, promovendo actitudes participativas e a equidade de xénero.

Os resultados obtidos co programa foron:

• A visualización de zonas especialmente vulnerables dende o punto de vista ambiental a través da realización das diferentes accións realizadas: 25 formativas, 15 colaborativas, 2 de extensión voluntaria, 15 de creación de iniciativas piloto e 3 avaliativas.
• A xeración dun coñecemento renovado arredor do sector da protección do ambiente, impulsando iniciativas innovadoras, efectivas e viables, na visualización de zonas especialmente vulnerables dende o punto de vista ambiental, materializado na iniciativa piloto desenvoltas no marco desta liña de acción e descritas anteriormente: xogo de mesa “Seguindo o Seixo: unha viaxe pola minaría”.
• A promoción do oficio tradicional de cesteira/o no contexto rural do programa a través da realización das diferentes accións realizadas: 25 formativas, 15 colaborativas, 2 de extensión voluntaria, 15 de creación de iniciativas piloto e 3 avaliativas.
• A xeración dun coñecemento renovado arredor do sector do sector turístico e cultural, impulsando iniciativas innovadoras, efectivas e viables, no eido dos oficios tradicionais galegos, materializado na iniciativa piloto desenvolta no marco desta liña de acción e descrita anteriormente: a iniciativa “Vimbiose”.
• A mellora dos procesos comunicativos para a transmisión da aprendizaxe arredor do sector turístico e cultural, grazas a todas as accións desenvoltas e mencionadas anteriormente, á creación da iniciativa piloto e a toda a información xerada nas diferentes redes sociais de AMABUL e na web propia do programa (https://www.amabul.org/voluntariado/interxeracional-ecircular-vetas/)

eCIRCULAR Vetas artéllouse a través de 2 liñas de acción:

Protección do ambiente

Turística e cultural

que se desenvolveron mediante 2 proxectos:

Cada proxecto contou cun grupo interxeracional formado por unha persoa maior de 55 anos e unha persoa moza de entre 16 e 35 anos.

Cada proxecto desenvolveuse a través de accións:

formativas_ en materia de voluntariado
formativas e capacitadoras_ na temática de cada proxecto
colaborativas_ para o intercambio do talento sénior-xuvenil
extensivas_ para transferir coñecemento a outros grupos mozos
creativas_ para impulsar ideas emprendedoras

Cada proxecto realizouse entre xaneiro e maio de 2026