Voluntariado Interxeracional no medio rural
eCIRCULAR

programa de Voluntariado Interxeracional no medio rural eCIRCULAR contou cun apoio financeiro da Unión Europea de 21.000,00 € a través dos fondos NextGenerationEU do Plan de recuperación, transformación e resiliencia (ao abeiro da orde de axudas para proxectos de voluntariado interxeracional da Consellería de Cultura, Lingua e Xuventude da Xunta de Galicia) para un custe total de programa de 23.370,11 €

O programa de Voluntariado Interxeracional no medio rural eCIRCULAR entende a realidade de xeito circular:

• partindo dos coñecementos e experiencias das persoas maiores que retornan á comunidade a través das persoas mozas.
• pondo especial énfase nos ciclos da materia, procurando devolver ao ambiente o que nos dá o medio rural.
• entendendo a circularidade da economía, maximizando os recursos materiais e humanos que nos ofrece o rural.

Os obxectivos cumpridos co programa foron:

Xerais:

• Púxose en valor o labor primordial das persoas voluntarias no desenvolvemento do medio rural e no intercambio de talento, experiencias vitais e coñecemento.
• Desenvolvéronse accións interxeracionais que redundaron nunha nova percepción do medio rural como espazo promotor de oportunidades de futuro e como contorno enriquecedor das condicións de vida.
• Impulsáronse iniciativas locais en materia de produción agroalimentaria de calidade e sustentable e en materia de protección do ambiente.
• Recoñeceuse e púxose en valor a riqueza ambiental da contorna natural e rural do Ulla.
• Inspirouse a renovación de actividades e oficios relacionados coa produtividade da zona.

Específicos:

• Promovéronse os cultivos ecolóxicos e sustentables baseados na economía tradicional da contorna ullá.
• Impulsáronse novas iniciativas con posibilidades de proxección no mercado en transición cunha economía circular e sustentable.
• Protexeuse e recuperouse a biodiversidade e o ecosistema de ribeira do río Ulla.
• Deuse visibilidade ás zonas especialmente vulnerables do ecosistema de ribeira do río Ulla.
• Promocionouse o desenvolvemento da horta ecolóxica e sustentable mediante a aplicación de prácticas tradicionais.
• Fomentouse a renovación da cociña tradicional a través da innovación na transformación dos produtos agroalimentarios ecolóxicos.
• Púxose en valor e protexeuse a biodiversidade micolóxica como elemento fundamental para a recuperación dos ecosistemas ulláns.
• Recuperáronse hábitats de ribeira do río Ulla mediante accións de voluntariado no eido da flora exótica invasora.
• Protexéronse os ecosistemas do medio rural do programa mediante a posta en marcha de iniciativas de prevención da contaminación mediante a xestión responsable e valorización dos residuos orgánicos a través da compostaxe.
• Promoveuse o enriquecemento persoal das persoas voluntarias a través dunha participación vivencial no programa.
• Creáronse espazos de convivencia respectuosa e solidaria entre as persoas participantes, promovendo actitudes participativas e a equidade de xénero.
• Fomentáronse, durante todo o programa e entre todas as persoas participantes, hábitos de vida saudables e comportamentos responsables co medio rural e natural.

Os resultados obtidos co programa foron:

• A promoción dos cultivos ecolóxicos e sustentables no contexto rural do programa a través da realización das diferentes accións realizadas: 50 formativas, 30 colaborativas, 4 de extensión voluntaria, 30 de creación de iniciativas piloto e 6 avaliativas.
• A xeración dun coñecemento renovado arredor do sector agroalimentario da zona, impulsando iniciativas innovadoras, efectivas e viables, na produción e transformación dos produtos agroalimentarios, materializado nas 2 iniciativas piloto desenvoltas no marco desta liña de acción e descritas anteriormente para cada un dos proxectos: o kit de autocultivo sustentable (proxecto terra) e o servizo “Catering da avoa” (proxecto lume).
• A conservación e recuperación de ecosistemas de ribeira da ZEC no concello de Vedra, mediante as actuacións de eliminación de flora exótica invasora (actuacións de extensión colaborativa do proxecto auga) e mediante a prevención da contaminación (posta en marcha do seguimento da compostaxe doméstica a través da aplicación móbil no proxecto aire).
• A promoción da riqueza ambiental da ZEC Sistema fluvial Ulla-Deza no contexto rural do programa a través da realización das diferentes accións realizadas: 75 formativas, 45 colaborativas, 6 de extensión voluntaria, 45 de creación de iniciativas piloto e 9 avaliativas.
• A xeración dun coñecemento renovado arredor do sector da protección do ambiente, impulsando iniciativas innovadoras, efectivas e viables, na conservación e recuperación de ecosistemas e na promoción da riqueza ambiental da zona, materializado nas 3 iniciativas piloto desenvoltas no marco desta liña de acción e descritas anteriormente para cada un dos proxectos: o xogos de escape ambiental (proxecto auga), a serie de breakout educativos (proxecto luz) e a aplicación móbil (proxecto aire).
• A mellora dos procesos comunicativos para a transmisión da aprendizaxe arredor dos cultivos baseados na economía tradicional, grazas a todas as accións desenvoltas e mencionadas anteriormente, á creación das iniciativas piloto e a toda a información xerada nas diferentes redes sociais de AMABUL e na web propia do programa (https://www.amabul.org/voluntariado/voluntariado-interxeracional/)

eCIRCULAR artéllouse a través de 2 liñas de acción:

Agroalimentaria

Protección do ambiente

que se desenvolveron mediante 5 proxectos:

Cada proxecto contou cun grupo interxeracional formado por unha persoa maior de 55 anos e unha persoa moza de entre 16 e 35 anos.

Cada proxecto desenvolveuse a través de accións:

formativas_ en materia de voluntariado
formativas e capacitadoras_ na temática de cada proxecto
colaborativas_ para o intercambio do talento sénior-xuvenil
extensivas_ para transferir coñecemento a outros grupos mozos
creativas_ para impulsar ideas emprendedoras

Cada proxecto realizouse entre maio e outubro de 2025