Proxecto Terra

proxecto TERRA explora as potencialidades das actividades primarias do sector agroalimentario (cultivos ecolóxicos e sustentables) no medio rural co fin de facer realidade o intercambio de talento xuvenil-sénior cara o impulso de novas iniciativas no no eido da produción agroalimentaria.

A parella interxeracional deste proxecto compóñena Carmen e Sarai.

Carmen ten 73 anos e é unha persoa namorada do rural, convencida do valor da terra e dos cultivos ecolóxicos e das potencialidades e oportunidades que ofrecen en termos de emprendemento e calidade de vida.

Sarai ten 30 anos e vive na cidade, mais dende fai un tempo ten unha sensibilidade e curiosidade especial polos recursos que nos ofrece a terra e polo xeito no que a xestión sustentable da mesma nos pode ofrecer novos modos de vida e traballo.

Durante os meses de maio a outubro de 2025, Carmen e Sarai desenvolveron diferentes accións formativas, capacitadoras, colaborativas e de extensión voluntaria co obxectivo de impulsar unha idea de emprendemento concreta no medio rural no marco da conservación e recuperación de ecosistemas: a creación do dun kit de autocultivo sutentable que inclúe, nunha caixa da marca “Proxecto Terra”, unha guía de cultivo de tomate dixitalizada á que se accede a través do código QR, un lote das sementes necesarias coas que iniciar o cultivo e unha mostra de paté de tomate, xunto coa receita manuscrita para saber como transformar o froito e conservalo.

Neste tempo 172 persoas puideron participar directamente no proxecto TERRA a través das súas actividades de extensión voluntaria e de presentación da iniciativa piloto; o custe total do proxecto foi de 4.579,65 € dos cales 4.115,20 € foron financiados pola Unión Europea a través dos fondos NextGenerationEU do Plan de recuperación, transformación e resiliencia.