Erradicadescantia
ende o ano 2017, Amabul ven realizando o seguimento da evolución das plantas exóticas invasoras nas ribeiras do río Ulla. Como é ben sabido, as invasións biolóxicas son o segundo problema, por orde de magnitude, da biosfera, tan só por detrás da destrución dos hábitats, á cal contribúen asemade as invasións biolóxicas.
Froito deste traballo de seguimento, no ano 2020 nace o proxecto Erradicadescantia, ao albiscar o desmesurado grao de invasión provocado pola EEI Tradescantia fluminensis (herba da fortuna) nas ribeiras do río Ulla, ocasionando unha substancial perda da diversidade vexetal autóctona do bosque de ribeira, debido a que esta especie con facilidade forma alfombras mono específicas impedindo o progreso das plántulas de diversas especies nativas (como o Narcissus cyclamineus) reducindo ou anulando a chegada da radiación solar.
Na actualidade, Amabul está tratando de eliminar de xeito manual unha mancha de aproximadamente 5 quilómetros lineais na marxe dereita do río Ulla ao seu paso polo concello de Vedra que, de non incidir con urxencia sobor ela, pronto porá en perigo a rexeneración natural das especies autóctonas.
Con este cometido naceu o proxecto Erradicadescantia, mais debido ao grande poder rexenerador da Tradescantia, precísanse moitos recursos e moito tempo para poder erradicala da nosa contorna.
As últimas novas do Erradicadescantia
XORNADA ERRADICADESCANTIA 26 DE NOVEMBRO 2023
Continuamos coas Xornadas de Voluntariado e Educación Ambiental “Erradicadescantia” cunha sesión de erradicación da herba da fortuna (Tradescantia fluminensis) nas ribeiras do río Ulla.
Na actividade da tarde centrarémonos en descubrir os macroinvertebrados que viven …
XORNADA ERRADICADESCANTIA 15 DE OUTUBRO 2023
Continuamos coas Xornadas de Voluntariado e Educación Ambiental “Erradicadescantia” cunha sesión de erradicación da herba da fortuna (Tradescantia fluminensis) nas ribeiras do río Ulla.
Na actividade da tarde faremos un Bioblitz, unha exploración cooperativa da …
XORNADA ERRADICADESCANTIA 17 DE SETEMBRO 2023
Continuamos coas Xornadas de Voluntariado e Educación Ambiental “Erradicadescantia” cunha sesión de erradicación da herba da fortuna (Tradescantia fluminensis) nas ribeiras do río Ulla.
Na actividade da tarde realizaremos unha saída micolóxica para iniciarnos no …