Remata a Escola da Sensibilización Ambiental
Logo de case catro meses, esta semana rematamos co proxecto Escola da Sensibilización Ambiental do programa Aula Ambiental Ulla+22, financiado pola Deputación da Coruña.
Durante este tempo, Amabul percorreu diferentes centros educativos da provincia da Coruña nos que, durante unha semana lectiva, instalou a súa exposición Unha ameaza chegada dun espazo exterior, desenvolveu obradoiros educativos sobor a problemática da flora exótica invasora, realizou xogos ambientais e entregou a unidade didáctica A flora exótica invasora no curso medio dos ríos galegos ao profesorado dos mesmos.
Os centros educativos participantes nesta edición foron:
- CEIP de Caión (Laracha).
- CEIP Pío XII (Santiago de Compostela).
- CFEA Guísamo (Bergondo).
- CEIP María Barbeito (A Coruña).
- CEIP Bormoio-Agualada (Coristanco).
- IES Fernando Esquío (Neda).
- CEIP Alborada (A Coruña).
- CEIP A Solaina (Narón).
- CEIP Nº1 (Melide).
- CEIP das Fontiñas (Santiago de Compostela).
- IES de Catabois (Ferrol).
- IES A Pobra do Caramiñal (Pobra do Caramiñal).
- CPI de Vedra (Vedra).
- CRA “Neira Vilas” (Boqueixón-Vedra).
En total foron 4.515 alumnas e alumnos de educación infantil, primaria e secundaria os que accederon a este proxecto a través da súa exposición e 1.279 os que puideron desfrutar dos obradoiros ambientais nos propios centros educativos.