ERRADICADESCANTIA volta o sábado 23 de outubro
No que vai de ano as máis de 80 persoas voluntarias que participaron no proxecto Erradicadescantia eliminaron un total de 2.437 kg da herba da fortuna (Tradescantia fluminensis) das ribeiras do río Ulla.
Grazas a este labor voluntario, arredor de 363 metros cadrados dun espazo protexido por Rede Natura 2000, atópase agora en disposición de rexenerarse de xeito natural con especies autóctonas como o carballo, o freixo ou o amieiro.
Mais este debe ser un labor concienciudo, meticuloso e sobor todo constante, por iso dende Amabul realizamos estas xornadas con certa periodicidade.
Animámoste a que participes na seguinte acción do Erradicadescantia que será…
DATA E LOCALIZACIÓN
Sábado 23 de outubro de 2021 ás 9:15h
Área Recreativa de Agronovo (Vedra)
REQUIRIMENTOS
Poderá participar calquera persoa de calquera idade con interese na mellora da contorna.
Por mor dos protocolos COVID recoméndase que o voluntariado veña provisto das súas propias luvas.
PROGRAMA DA XORNADA
9:15h Recepción do Voluntariado
9:30h Formación do Voluntariado
10:00h Labores de Erradicación I
12:00h Almorzo con Amabul
12:30h Labores de Erradicación II
14:00h Fin da Xornada
As persoas interesadas recibirán formación inicial sobor metodoloxías de eliminación e control de flora exótica invasora, estarán cubertas polos seguros correspondentes, recibirán as ferramentas necesarias para o labor ambiental e terán dereito a solicitar certificado do seu labor voluntario.
Se xa estás decidida/o a axudar ao bosque de ribeira, cubre o seguinte formulario ANTES DO 20 DE OUTUBRO cos teus datos e agarda que nos poñamos en contacto contigo; se tes calquera dúbida tamén podes enviarnos un correo a accion@amabul.org
