Expo: Wood Wide Web, a rede que dá vida ao planeta

O

s cogomelos son unha pequena e importantísima parte dun organismo maior chamado fungo que, oculto baixo os nosos pés, conecta e da vida aos ecosistemas a través dunha complexa rede social.

Ao igual que nas redes tecnolóxicas, gran parte transpórtase baixo terra, non por cable de fibra óptica senón a través dos fungos, provendo múltiples servizos ecosistémicos que resultan determinantes para a vida do planeta e o benestar da humanidade.

“Wood Wide Web, a rede que dá vida ao planeta” é unha exposición itinerante que trata sobor a importancia ambiental e ecolóxica dos cogomelos, procurando sensibilizar, educar e motivar cara a acción ambiental responsable no eido da conservación dos nosos bosques e dos nosos recursos micolóxicos. Preséntase como un percorrido secuencial dividido en cinco grandes bloques de contidos:

A internet dos bosques.
Os compoñentes da internet.
As app da Wood Wide Web.
Os servizos da Wood Wide Web.
Mantemento da Wood Wide Web.

A finalidade desta mostra, financiada pola Deputación de A Coruña, é realizar un achegamento significativo ao mundo dos fungos, profundando nos servizos ambientais e ecolóxicos que promoven, favorecendo deste xeito unha ollada diferente cara os cogomelos que facilite unha crítica reflexiva sobor os seus aproveitamentos actuais e sobor a súa necesidade de conservación.