Curso “Estratexias de comunicación para os problemas ambientais”
Presentamos Curso de Estratexias de comunicación para os problemas ambientais, actividade gratuíta subvencionada pola Deputación de A Coruña, coa que procuramos que as persoas participantes afonden no deseño de estratexias e o uso de ferrramentas avanzadas de comunicación, educación e sensibilización enfocadas á resolución de problemas ambientais e o cambio de paradigmas.
DESTINATARIAS
Persoas ao servizo de colectivos ambientais, profesionais con funcións comunicativas e de sensibilización ambiental, xestoras/es ambientais, responsables de programas de uso público, guías de ecoturismo, empresas de servizos ambientais e turísticos, etc.
O número de participantes é limitado e as prazas asignaranse de acordo ao perfil e á orde de inscrición.
DURACIÓN E DATAS
O curso desenvolverase nun total de 12 horas (das cales será obrigatoria a asistencia ao 75% para recibir certificado acreditativo de aproveitamento).
Levarase a cabo os sábados 14 e 21 de setembro, en horario de 11:00 a 14:00 horas e de 16:00 a 19:00 horas.
LOCALIZACIÓN
CONTIDOS
- Claves da comunicación, contextos e procesos.
- Procesos educativos: da información á acción.
- Percepcións sociais dos problemas ambientais.
- Deseño de plans de acción en Comunicación Ambiental.
- Ferramentas de diagnose e deseño de plans CECoP.
- Estratexias de comunicación.
- Elaboración de mensaxes eficientes: claves e procesos.
IMPARTE
Fernando Ramos García, membro do panel internacional de expertos de IUCN (The World Conservation Union) en Comunicación e Educación Ambiental.
INSCRICIÓNS
Para formalizar a túa inscrición deberás cumprimentar o seguinte formulario ANTES DO 12 DE SETEMBRO
