Xornadas micolóxicas COGOMELAR 2025
Presentamos as Xornadas Micolóxicas Cogomelar deste ano, actividade pertencente ao programa Aula Ambiental Ulla+25, que conta coa colaboración da Deputación de A Coruña. Como cada outono, AMABUL segue profundando no estudo e comprensión do mundo dos cogomelos, que nesta edición se desenvolverá o sábado 25 de outubro mediante a realización dos seguintes obradoiros:
1. OBRADOIRO “CORES, OLORES E SABORES NOS COGOMELOS” (de 10:00 a 14:00 horas): charla introdutoria sobor a organoléptica dos fungos máis comúns e saída de campo para recoñecemento e recolla dos mesmos.
2. OBRADOIRO “OS FUNGOS E OS SENTIDOS” (de 16:30 a 18:00 horas): taller arredor do como empregar os cinco sentidos para recoñecer os cogomelos.
3. OBRADOIRO “ESCAPE ROOM MICOLÓXICO” (de 18:00 a 19:30 horas): xogo interactivo co que as persoas participantes afondarán sobre os principais atributos organolépticos dos cogomelos.
LOCALIZACIÓN
O punto de partida de cada un dos obradoiros será a Nave da Estación de Santa Cruz de Ribadulla (Vedra)
INSCRICIÓNS
As persoas interesadas (idade mínima 8 anos) poderán inscribirse de xeito gratuíto á opción que desexen cumprimentando axeitadamente o formulario de preinscrición ao pé deste parágrafo, unha vez recibido correo de confirmación de praza deberán facer un pagamento en concepto de “Reserva de praza e materiais” de:
- 15 € no caso de inscrición á xornada de mañá.
- 10 € no caso de inscrición á xornada de tarde.
- 20 € no caso de inscrición ao día completo (e agasallo de navalla micolóxica).
A actividade é gratuíta para as persoas asociadas a AMABUL
A cumprimentación deste formulario e a aceptación do mesmo non garante reserva de praza até que se consume o pagamento da “reserva de praza”, o cal en todo caso se fará antes do 15 de outubro de acordo aos seguintes datos:
Concepto: COGOMELAR (NOME E APELIDOS DA/O PARTICIPANTE)
Beneficiario: ASOCIACIÓN AMABUL
IBAN: ES22 2080 0320 2330 0007 3820
Importe: De acordo á opción seleccionada
Unha vez realizado o pagamento, a inscrición na actividade está confirmada. No caso de cancelación non se devolverá a “cota de reserva de praza” alén do 20 de outubro.
