Xornadas micolóxicas COGOMELAR 2023
Presentamos as Xornadas Micolóxicas Cogomelar deste ano, actividade pertencente ao programa Aula Ambiental Ulla+23, que conta coa colaboración da Deputación de A Coruña. Como cada outono, Amabul segue profundando no estudo e comprensión do mundo dos cogomelos, que nesta edición se desenvolverá o sábado 28 de outubro mediante a realización dos seguintes obradoiros:
1. OBRADOIRO DE INICIACIÓN Á MICOLOXÍA (de 10:00 a 14:00 horas): charla de iniciación á micoloxía e saída de campo para coñecemento e recolla de cogomelos.
2. OBRADOIRO DE IDENTIFICACIÓN DE BOLETALES (de 16:00 a 17:30 horas): charla introdutoria e taller de identificación dos principais cogomelos da orde Boletales.
3. OBRADOIRO DE GASTRONOMÍA E ETNOGRAFÍA MICOLÓXICA (de 17:30 a 20:00 horas): showcooking micolóxico e degustación de tres platos elaborados con produtos tradicionais e cogomelos.
LOCALIZACIÓN
O punto de partida de cada un dos obradoiros será a Nave da Estación de Santa Cruz de Ribadulla (Vedra)
INSCRICIÓNS
As persoas interesadas poderán inscribirse de xeito gratuíto á opción que desexen cumprimentando axeitadamente o formulario de preinscrición ao pé deste parágrafo, unha vez recibido correo de confirmación de praza deberán facer un pagamento en concepto de “Reserva de praza e materiais” de:
- 10 € no caso de inscrición á xornada de mañá.
- 15 € no caso de inscrición á xornada de tarde.
- 20 € no caso de inscrición ao día completo (e agasallo de navalla micolóxica).
As persoas asociadas a Amabul terán un 50% de desconto
A cumprimentación deste formulario e a aceptación do mesmo non garante reserva de praza até que se consume o pagamento da “reserva de praza”, o cal en todo caso se fará antes do 14 de outubro de acordo aos seguintes datos:
Concepto: COGOMELAR (NOME E APELIDOS DA/O PARTICIPANTE)
Beneficiario: ASOCIACIÓN AMABUL
IBAN: ES22 2080 0320 2330 0007 3820
Importe: De acordo á opción seleccionada e desconto (no caso de persoas asociadas)