Cinco anos do programa de prácticas curriculares AMABUL
VanI xa para cinco anos que AMABUL decidiu regular o tránsito das persoas en prácticas no seo da asociación. Neste tempo foron moitas as persoas educadoras sociais, educadoras ambientais, técnicas en igualdade, técnicas de medio ambiente e animadoras, monitoras e directoras de lecer e tempo libre as que deixaron a súa impronta na nosa asociación. Por iso queremos aproveitar esta efeméride para agradecer novamente o labor desenvolto para con AMABUL e animar a aquelas persoas que o desexen a realizar a súa estancia formativa connosco.
As e os estudantes interesadas/os poderán participar nos nosos programas e proxectos desenvolvendo competencias relativas a:
- Interpretación e educación ambiental.
- Deseño de proxectos de educación e voluntariado ambiental.
- Deseño e desenvolvemento de actividades de educación ambiental.
- Condución de grupos de voluntariado ambiental.
- Posta en práctica de tarefas de conservación e recuperación ambiental.
- Desenvolvemento de actividades de divulgación ambiental.
Se estás interesada/o en participar no noso Programa de Prácticas Curriculares ou obter máis información ao respecto, escríbenos ao correo practicas@amabul.org
