PARTICIPACIÓN · CIENCIA CIDADÁ · PREMIO

CATEGORÍAS E PREMIO

Todos os centros participantes concorren nas dúas categorías oficiais do Challenge «Imaxina o teu solo». Non é necesario escoller entre elas: cada contribución válida contabilízase automaticamente para ambas.

DÚAS CATEGORÍAS · DÚAS OPORTUNIDADES

1 · GRAN PEGADA

Gaña o centro que consiga o maior número de contribucións válidas durante o Challenge.

2 · COMPROMISO TOTAL

Gaña o centro que consiga máis contribucións en relación co seu número de estudantes, favorecendo unha participación equitativa entre centros de distinto tamaño.

COMO SE PUNTÚA?

1 IMAXE VÁLIDA = 1 CONTRIBUCIÓN = 1 PUNTO

O ranking actualizarase semanalmente e os centros poderán consultar o seu progreso durante o Challenge.

O PREMIO

EXCURSIÓN EDUCATIVA Á ZEC ULLA-DEZA · ATÉ 50 ALUMNAS/OS

Os centros gañadores das categorías Gran Pegada e Compromiso Total recibirán unha excursión educativa á ZEC Ulla-Deza para até 50 alumnas/os.

Amais, contarán cunha participación destacada no Festival IMAGINE-SOIL, coa exposición das súas visualizacións e a entrega do selo «Centro que mira ao solo · Excelencia 2026–2027».

CANDO COÑECEREMOS OS RESULTADOS?

30 NOV · 23:59 · Peche oficial do Challenge

1 → 4 DEC· Validación final técnica e científica das contribucións e do ranking final

5 DEC · DÍA MUNDIAL DO SOLO · ANUNCIO DOS CENTROS GAÑADORES

TODOS OS CENTROS DEIXAN PEGADA

Todos os centros participantes recibirán o selo dixital «Centro que mira ao solo» como recoñecemento do seu compromiso coa ciencia cidadá e coa Misión Solo.