SAÍDA ENOMICOLÓXICA FINCA DA CORGA
Fungos, castiñeiros, viñedos e viños danse cita nunha xornada para descubrir o territorio dende unha perspectiva diferente.
AMABUL propón unha nova experiencia arredor da micoloxía, nesta ocasión nun escenario especialmente singular: a Finca da Corga, na Pobra de Trives.
A xornada comezará cunha saída micolóxica pola contorna, na que nos achegaremos á diversidade de fungos presentes no territorio a través da observación directa, a identificación e a interpretación das especies atopadas.
Pero desta volta a experiencia irá máis alá do monte. A actividade completarase cunha visita á adega da Finca da Corga, que permitirá achegarnos á súa dimensión vitivinícola, e finalizará cunha degustación de viño.
Unha proposta na que micoloxía, viñedo e territorio se encontran para gozar e aprender da natureza dende diferentes perspectivas.
Trátase dunha actividade realizada en colaboración coa Adega A Corga e coa Xuntanza de micólogos “Os Cogordos” de Ourense.
INFORMACIÓN PRÁCTICA
- Punto de encontro: Aparcadoiro da Adega A Corga.
- Horario: Domingo 11 de outubro de 10:00 a 14:00 h.
- Nivel: apto para público xeral.
- Recoméndase calzado cómodo, roupa axeitada e auga.
INSCRICIÓNS (PRAZAS LIMITADAS)
As persoas interesadas poderán inscribirse de xeito totalmente gratuíto cumprimentando o seguinte formulario até o 7 de outubro.
