UN NADAL VERDE VERDE na ESCOLA AMBIENTAL AMABUL
Dende o equipo educativo de AMABUL desexamos que este sexa un Nadal Verde Verde! que contribúa a facer da nosa contorna un lugar máis limpo, respectuoso e habitable. Non perdas a oportunidade de apuntarte aos campamentos de nadal da Escola Ambiental Amabul!
PARTICIPANTES
- Campamento Ambiental Benxamín (nenas e nenos nadas/os entre 2019 e 2021)
- Campamento Ambiental Infantil (nenas e nenos nadas/os entre 2013 e 2018)
- Campamento Ambiental Xuvenil (mozas e mozos nadas/os antes de 2013)
* É necesario estar asociada/o a AMABUL, faino dun xeito sinxelo premendo aquí
DATAS E HORARIOS
Os campamentos desenvolveranse entre o 23 de decembro de 2024 e o 7 de xaneiro de 2025 de luns a venres (agás festivos), en horario de 8:30 a 14:30 horas
LUGAR DE REALIZACIÓN
Casa das Artes de San Fins de Sales (Vedra – A Coruña) e diferentes espazos naturais da contorna
ACTIVIDADES
Como ven sendo habitual, Amabul practica unha pegadoxía do lecer centrada na descuberta da e coa contorna, espertando nas nenas, nenos, mozas e mozos o necesario sentimento de conexión coa natureza, coa comunidade e co mundo no que viven, a través de actividades como:
- Xogos ambientais.
- Descubertas da contorna.
- Aprendizaxe sensorial.
- Saídas de campo.
- Xincanas de observación e orientación.
- Obradoiros de mellora do medio.
- Actividades de investigación.
- Xincanas ambientais.
- Coensinanza libre.
- E moitas máis…
PREZO
100€
***Desconto do 20% a partir da/o segunda/o irmá/n
Para realizar a inscrición deberás cumprimentar o formulario que atoparás ao pé desta publicación e enviar recibo de pagamento, ANTES DO 13 DE DECEMBRO ao correo xuvenil@amabul.org.
Para garantir a reserva de praza é preciso realizar o ingreso do importe da matrícula de acordo aos seguinte datos:
Concepto: INSCRICIÓN EAN (NOME E APELIDOS DA/O PARTICIPANTE)
Beneficiario: ASOCIACIÓN AMABUL
IBAN: ES22 2080 0320 2330 0007 3820
Importe: 100 EUROS (80 EUROS a partir do segunda/o irmá/n)
