ESCOLA AMBIENTAL ABRIL 2023
Amabul continúa co proxecto da Escola Ambiental pero, como novidade, será de carácter mensual. Con isto pretendemos dar continuidade ás actividades das edicións de Verán e de Nadal.
Seguiremos unindo educación, natureza e entretemento a través de saídas pola contorna (actividades de bota), traballos de investigación e laboratorio (actividades de bata), obradoiros, xogos, descubertas… amais da construción dun museo etnográfico-ambiental que poderá desfrutar todo o mundo.
Se xa participaches antes na Escola Ambiental e quedaches con ganas de máis, estas actividades están feitas para ti. Se por outra banda nos queres vir coñecer, es benvida!
DESTINATARIOS
Nenos/as maiores de 3 anos e adolescentes.
DATA E HORARIO
Sábado 15 de abril en horario de 10:00 a 14:00 horas.
LUGAR DE REALIZACIÓN
Casa da Fábrica de Trobe (Vedra – A Coruña), a carón da Igrexa de San Andrés de Trobe
INSCRICIÓN
Gratuíta para persoas asociadas; 10 euros para non asociadas. As prazas son limitadas.
Para realizar a inscrición deberás cumprimentar o formulario que atoparás ao pé desta publicación e xuntar no mesmo o recibo de pagamento, en caso de non ser asociada de Amabul, antes do 13 de abril.
Datos para o ingreso do importe da matrícula:
Concepto: DOAZÓN ESCOLA AMBIENTAL (NOME E APELIDOS DA/O PARTICIPANTE)
Beneficiario: ASOCIACIÓN AMABUL
IBAN: ES22 2080 0320 2330 0007 3820
Importe: 10 EUROS (gratuíto para socias/os)
