Abrimos o prazo para inscribirse no noso Voluntariado Sénior

Se es maior de 55 anos e tes gañas de dedicar un pouco do teu tempo a realizar un labor social e ambiental, Amabul é a túa opción.

Neste ano, as voluntarias e voluntarios participarán en actividades de lecer e tempo libre na Aula Ambiental Amabul, no coidado e conservación da contorna co proxecto Erradicadescantia e con actividades de promoción da igualdade e prevención da violencia de xénero co proxecto Faladoiros.

E que recibe a cambio o/a voluntario/a?

• Unha formación específica para o seu voluntariado.
• Unha experiencia pre profesional moi valiosa.
• Asesoramento e seguimento personalizado.
• Un certificado oficial, expedido pola Consellería de Política Social, do seu voluntariado.
• A cobertura polos correspondentes seguros.
• A compensación dos gastos de transporte e manutención.

 

Trátase dun programa financiado pola Dirección Xeral de Xuventude, Participación e Voluntariado da Consellería de Política Social da Xunta de Galicia.

 

Se estás decidida/o, cubre o seguinte formulario cos teus datos e agarda que nos poñamos en contacto contigo; se tes calquera dúbida tamén podes enviarnos un correo a voluntariado@amabul.org